दिवाळी मेळावा,कारागृह निर्मित वस्तु प्रदर्शन व विक्री उदघाटन सोहळा.

ठाणे, 8 – कारागृहात शिक्षा भोगणारा बंदी हा देखील माणूस असून समाजाचा एक घटक आहे. बंदी भविष्यात कारागृहाबाहेर पडल्यानंतर त्याच्या उदरनिर्वाहासाठी काही तरी कौशल्य असावे या हेतूने व कारागृहाचे ध्येय सुधारणा व पुनर्वसन या दृष्टीकोणातून कारागृहाच्या कारखाना विभागात व्यावसायिक प्रशिक्षण दिले जाते.तसेच कारागृहात शिक्षा भोगत असतांना बंद्यांचे कौशल्य समाजापुढे यावे या उद्देशाने बंद्यांनी तयार केलेल्या वस्तूंची विक्री करण्यासाठी कारागृह निर्मित वस्तुंचे प्रदर्शन व विक्री तसेच दिवाळी मेळाव्याचे आयोजन करण्यात येते.
सदर दिवाळी मेळावा कारागृह निर्मित वस्तु व प्रदर्शन विक्री केंद्राचे उदघाटन मा. श्री.अशोक शिनगारे, जिल्हाधिकारी तथा जिल्हा दंडाधिकारी,ठाणे यांचे शुभहस्ते व सन्मा.श्रीमती राणी रा.भोसले,मा.अधीक्षक,ठाणे मध्यवर्ती कारागृह यांचे उपस्थित करण्यात आले. तसेच ठाणे मध्यवर्ती कारागृहात कार्यरत विविध अशासकीय संस्थेचे प्रतिनिधी, कारागृहाचे अधिकारी/ कर्मचारी उपस्थित होते.
दिवाळी मेळावा निमित्त कारागृह निर्मित वस्तु व प्रदर्शन विक्री केंद्राचे उदघाटन प्रसंगी मा.जिल्हाधिकारी यांनी बंद्यांनी तयार केलेल्या वस्तुंचे कौतुक करुन सर्व जनतेला सदरील वस्तु खरेदी करण्याचे आवाहन केले.
सदर दिवाळी मेळावा विक्री करीता बंद्यांनी तयार केलेले आकर्षक आकाश कंदील, मातीच्या आकर्षक रंगकाम केलेल्या पणत्या, सुतारकाम विभागात सागवानी लाकडाच्या तयार केलेल्या गृहपयोगी वस्तू, सागवानी लाकडाच्या खुर्च्या, चौरंग, देवघर, पाट, चारचकी गाडया, बैलगाडी, रिव्हॉलिग चेअर, हट टाईप कि स्टॅड, मोबाईल स्टँड, तसेच शिवणकाम विभागातील जॅकेट, सुती टॉवेल, सुती हात रूमाल, बेकरी उत्पादने,ओटस बिस्कीट, इत्यादी ठेवण्यात आलेल्या होत्या.पहिल्याच दिवशी ग्राहकांनी प्रदर्शन व विक्री केंद्रामध्ये मोठ्या प्रमाणात भेट देऊन वस्तुंची पाहणी व खरेदीसाठी मोठया प्रमाणात प्रतिसाद भेटत आहे.