ठाणे, 08- ठाणे लोकसभा महायुतीचे शिवसेनेचे उमेदवार नरेश म्हस्के हे प्रचारा दरम्यान मान्यवरांच्या गाठीभेटी घेत आहेत. राज्याचे माजी मंत्री व ठाणे जिल्ह्याचे माजी पालकमंत्री गणेशजी नाईक यांची नरेश म्हस्के यांनी सदिच्छा भेट घेतली. निवडणुकीतील विजयासाठी नरेश म्हस्के यांनी गणेशजी नाईक यांचे शुभाशीर्वाद घेतले.
यावेळी माजी खासदार डॉ. श्री. संजीवजी नाईक, माजी आमदार संदीपजी नाईक, माजी महापौर सागरजी नाईक उपस्थित होते.
निवडणुकीच्या अनुषंगाने यावेळी नरेश म्हस्के आणि गणेशजी नाईक यांच्यात चर्चा झाली. प्रचारसभा, चौक सभा, जाहीर सभेबरोबरच घरोघर जाऊन मतदारांपर्यंत महायुतीच्या कार्यकर्त्यांनी मोदी सरकारचे निर्णय पोहोचविले पाहिजेत. अबकी बार ४०० पार खासदार निवडून यायलाच हवेत अशी भूमिका उपस्थित सर्वांनी व्यक्त केली. गणेश नाईक यांनी विजयासाठी नरेश म्हस्के शुभाशीर्वाद दिले.
Saturday, May 30 2026 8:14 pm
