923 तक्रारींपैकी 870 तक्रारींचे शंभर मिनिटांच्या आत निराकरण
ठाणे,14 :- निवडणुकीच्या दरम्यान अनियमितता किंवा आचारसंहिता भंगाविषयी काही आक्षेपार्ह बाबी आढळून आल्यास नागरिकांना “सी व्हिजिल”या ॲप्लिकेशनच्या माध्यमातून संदेश, फोटो, व्हिडिओद्वारे ऑनलाईन तक्रार दाखल करण्याची सुविधा निवडणूक आयोगाने उपलब्ध करून देण्यात आली आहे. या ॲपवर तक्रार प्राप्त झाल्यापासून 100 मिनिटांच्या आत तक्रारीचे निवारण केले जाते.
या अंतर्गत ठाणे जिल्ह्यातील 18 विधानसभा मतदारसंघात दि.13 नोव्हेंबर 2024 दुपारी 3:30 वाजेपर्यंत 1 हजार 08 तक्रारी प्राप्त झाल्या. या 1 हजार 08 तक्रारींमध्ये एकूण 923 तक्रारी दखलपात्र असून उर्वरित 85 तक्रारी अदखलपात्र आहेत. या 923 दखलपात्र तक्रारींमधून 870 तक्रारींचे 100 मिनिटांच्या आत निराकरण करण्यात आले असून उर्वरित तक्रारींचेही निराकरण करण्याच्या दृष्टीने आवश्यक कार्यवाही सुरू आहे, अशी माहिती सी-व्हिजिल कक्षाचे जिल्हास्तरीय समन्वय अधिकारी श्री.विजयसिंह देशमुख व सहाय्यक समन्वय अधिकारी श्रीमती सुकेशिनी पगारे यांनी दिली आहे.
