ठाणे, 15 : टीजेएसबी सहकारी बँक अधिकारी व कर्मचारी संघ सलंग्न भारतीय मजदूर संघ ही संघटना दर वर्षी सामाजिक कर्तव्य म्हणून वृक्षारोपण कार्यक्रम त्यांच्या पाच राज्यांतील विविध विभागामध्ये राबवत असते. ठाणे विभागाचा वृक्षारोपण कार्यक्रम रविवारी १४ जुलै रोजी पानखंडा, घोडबंदर रोड, ठाणे येथे संपन्न झाला.सदर कार्यक्रमास संघाचे कोकण प्रांत कुटुंब प्रबोधन कार्यकर्ते डॉ विवेक वडके, भाजपा ठाणे शहर जिल्हा अध्यक्ष संजय वाघुले, स्थानिक कार्यकर्ते राम ठाकुर, विशेष कार्यकारी अधिकारी पार्वती ताई उघाडे,टीजेएसबी बँकेचे सहाय्यक सर व्यवस्थापक प्रदीप मांडवकर,संघटनेचे सह सचिव श्रीराम फाटक,मुख्य कार्यकारीणी सदस्य हर्षद कुटुंबळे आदींसह मान्यवर उपस्थित होते.
वैयक्तिक स्तरावर निसर्ग रक्षणासाठी कार्यरत असणाऱ्या प्रदीप मांडवकरांनी तसेच 600 पेक्षा जास्त गड किल्ले फिरत वृक्ष संवर्धनाची जनजागृती करणाऱ्या सुनील शिंदे यांनी सर्वांना वृक्ष लागवड व संवर्धनाची गरज, व त्या बद्दल अतीशय उपयुक्त माहिती सांगितली.
डॉ वडके व श्री वाघुले यांनी आपली संघटना असे चांगले स्तुत्य उपक्रम राबवते त्याबद्दल आणी सुट्टीच्या दिवशी या कार्यक्रमात सहभागी झालेल्या कर्मचारी वर्गाचे कौतुक केले. सदर कार्यक्रमाचे सूत्रसंचालन व आभार प्रदर्शन प्रफुल्ल शिंदे यांनी केले.सदर कार्यक्रमास आपल्या कर्मचाऱ्यांबरोबर संघ परिवारातील स्थानिक कार्यकर्तेही सहभागी झाले होते.एकूण २०० झाडे लावली व त्यातील काही झाडे सदस्यांनी उत्स्फूर्तपणे आपल्या घरीही लावण्यासाठी नेली. कार्यक्रमाची सर्व व्यवस्था श्री प्रफुल्ल शिंदे, श्री केदार मोरे यांनी केली.
