ठाणे-:मालवण चिवला बीच येथे होत असलेल्या सागरी हौशी जलतरण स्पर्धेत स्टारफिश स्पोर्टसअ‍ॅकॅडमीचे जलतरणपटू सहभागी होणार आहेत. हे सर्व जलतरणपटू या स्पर्धेसाठी शुक्रवारी मालवण येथे रवाना होणार आहेत. गतवर्षीच्यास्पर्धेत देखील स्टारफिशच्या मयंक चाफेकर या जलतरणपटूने 5 कि.मीच्या स्पर्धेत प्रथम क्रमांक पटकावित फिरत्या चषकावर आपले नावकोरले होते. यंदाही हा चषक पटकाविण्यासाठी सर्व जलतरणपटू गेल्या अनेक दिवसांपासून सरावासाठी मेहनत घेत आहेत. मालवण येथील चिवला बीचवर 16 डिसेंबर रोजी ही स्पर्धा होत आहे.5 कि.मी,3 कि.मी,2 कि.मी,1 कि.मी,500 मीटर अशाविविध गटात ही स्पर्धा होणार असून या सर्व स्पर्धांमध्ये स्टारफिशचे जलतरणपटू सहभागी होणार आहेत. प्रशिक्षक कैलास आखाडे, अतुलपुरंदरे या प्रशिक्षकांच्या मार्गदर्शनाखाली सर्व जलतरणपटू महापालिकेच्या कै. मारोतराव शिंदे तरणतलाव येथे कसून सराव करीत असूनयंदाही या स्पर्धेत स्टारफिशचे जलतरणपटू यशस्वी कामगिरी करतील असा विश्वास प्रशिक्षकांनी व्यक्त केला आहे. या सर्व जलतरणपटूंनाप्रोत्साहन व शुभेच्छा देण्यासाठी कोकण पदवीधर मंचाचे आमदार व ठाणे जिल्हा हौशी जलतरण संघटनेचे अध्यक्ष  अ‍ॅ ड. निरंजन डावखरेयांनी सर्व स्पर्धकांची भेट घेतली. यावेळी त्यांनी सर्व स्पर्धकांचे कौतुक करुन सर्व स्पर्धक निश्चितच यशस्वी होवून मालवणच्या किल्ल्यावरस्टारफिशचा झेंडा फडकवतील असा विश्वास त्यांनी व्यक्त केला.      या सर्व स्पर्धकांना नेहमीच महापौर मिनाक्षी शिंदे, पालिका आयुक्त संजीव जयस्वाल, उपायुक्त संदीप माळवी, जनसंपर्क अधिकारीमहेश राजदेरकर, वसई विरार महापालिकेचे अतिरिक्त आयुक्त संजय हेरवाडे, स्टारफिश स्पोर्टस अ‍ॅकॅडमीच्या अध्यक्षा वैशाली नेरपगारे,सचिव मनोज कांबळे यांचे नेहमीच सहकार्य लाभत असते. या सर्वांनी स्पर्धकांना शुभेच्छा दिल्या असून निश्चितच स्टारफिशचे सर्वजलतरणपटू निश्चितच ठाण्याचे नाव उज्वल करतील असा विश्वास व्यक्त केला आहे.

ठाणे-: राज्यस्तरीय याँगमुडो स्पर्धा 8 व 9 डिसेंबर रोजी सोलापूर येथेसंपन्न झाली. या स्पर्धेत महाराष्ट्रातील 350 विद्यार्थी सहभागी झाले होते.तसेच ठाणे जिल्हा संघाने देखील या स्पर्धेत सभाग घेतला होता. ट्रडिशनलस्पोर्टस् ऍकॅडमीच्या 15 विद्यार्थ्यांनी सुवर्णपदक, 4 विद्यार्थ्यांनी रौप्यपदक व 6 विद्यार्थ्यांनी कांस्यपदक मिळविले. या विद्यार्थ्याना राष्ट्रीय प्रशिक्षकसुनिल काशिद यांनी मार्गदर्शन केले. या स्पर्धेत ठाणे जिह्याला तृतीयक्रमांकाचे पारितोषिक  मिळाले. पारितोषिक प्राप्त विद्यार्थ्यांची नावे पुढीलप्रमाणे – सुवर्णपदक – अक्षय, आशिन, अनिमेश, साहिल, आनिश, श्रेयस, वरुण, वेदांत,अंकुर, समिरा, लक्ष, आयुष, भूमी, मृणाल, कनिष्का. रौप्यपदक – प्रिन्स, मेघा, रोशनी, श्रेया कांस्यपदक – युक्ता, यश, मित, कुशल, कुणाल आणि प्राप्ती. याँगमुडो जिह्याचे अध्यक्ष केदार जोशी तसेच रोहित नारकर, अपर्णा रॉय वपुनिथा दास यांनी संघातील खेळाडूंचे व त्यांना मार्गदर्शन करणाऱया प्रशिक्षकांचे अभिनंदन केले.