Saturday, December 7 2019 11:03 pm

वनडे वर्ल्ड कपसाठी टीम इंडिया रवाना

मुंबई :- भारतीय क्रिकेट संघ   वनडे वर्ल्ड कप स्पर्धेसाठी  काल (मंगळवार) रात्री उशिरा इंग्लंडला रवाना झाला. ३० मे रोजी इंग्लंडमधील वेल्स येथे वर्ल्ड कप स्पर्धेची सुरुवात होत आहे. ही स्पर्धा १४ जुलैपर्यंत चालणार आहे.  यंदाच्या वर्ल्ड कप स्पर्धेचा फॉरमॅट आव्हानात्मक असून कोणताही संघ उलटफेर करू शकतो, अशी प्रतिक्रिया विराट कोहलीने दिली. भारतीय खेळाडूंनी आयपीएल स्पर्धेद्वारे वनडे च्या ५० षटकांच्या सामन्यांसाठी चांगली तयारी केली असल्याचेही विराट म्हणाला.

हा वर्ल्ड कप टीम इंडिया जिंकू शकते अशी अपेक्षाही विराटने व्यक्त केली. भारताने आतापर्यंत दोन वेळा वर्ल्ड कप जिंकला आहे. सन १९८३ मध्ये कपिल देव यांच्या नेतृत्वात आणि सन २०११ मध्ये महेंद्रसिंह धोनी याच्या नेतृत्वात भारताने वर्ल्ड कप जिंकला आहे.

 भारतीय क्रिकेट नियामक मंडळाने (बीसीसीआय) संघ रवाना होण्यापूर्वीचे खेळाडूंचे काही फोटो सोशल मीडियावर पोस्ट केले. या फोटोंमध्ये हे सर्व खेळाडू आपल्या विमानाची वाट पाहताना दिसत  आहेत.

बीसीसीआयने शेअर केलेल्या या फोटोंमध्ये कर्णधार विराट कोहली, महेंद्रसिंग धोनी, शिखर धवन, मोहम्मद शमी, हार्दिक पंड्या, लोकेश राहुल, केदार जाधव यांच्यासह इतरही खेळाडू दिसत आहेत.

इंग्लंड मध्ये होणाऱ्या वनडे वर्ल्ड कपसाठी  टीम इंडिया मध्ये पुढीलप्रमाणे खेळाडू असणार आहेत.

विराट कोहली (कर्णधार), रोहित शर्मा (उप कर्णधार), शिखर धवन, महेंद्रसिंग धोनी (यष्टिरक्षक), केदार जाधव, हार्दिक पंड्या, भुवनेश्वर कुमार, कुलदीप यादव, युजवेंद्र चहल, जसप्रीत बुमराह, मोहम्मद शमी, विजय शंकर, दिनेश कार्तिक, केएल राहुल, रविंद्र जडेजा