Thursday, November 15 2018 2:32 pm

रेडमी नोट ५, रेटमी नोट ५ प्रो स्मार्टफोन लॉन्च

नवी दिल्ली :नवी दिल्लीत झालेल्या कार्यक्रमात शाओमी कंपनीचे रेडमी नोट ५, रेटमी नोट ५ प्रो हे दोन स्मार्टफोन लॉन्च करण्यात आले आहेत. शाओमीचा ३ जीबी रॅम व ३२ जीबी स्टोरेज असलेला रेडमी नोट ५ ग्राहकांना ९,९९९ रुपयांना उपलब्ध असेल तर ४ जीबी रॅम व ६४जीबी स्टोरेजचा फोन ग्राहकांना ११,९९९ रुपयांना मिळणार आहे.रेडमी नोट ५ मध्ये ५.९९ इंचाचा (एचडी प्लस) डिस्प्ले आहे. मॉडेलमध्ये स्नॅपड्रॅगन ६२५ प्रोसेसर आहे. या मॉडेलमध्ये ३ आणि ४ जीबी रॅमचे पर्याय आहेत. यातील रेडमी नोट ५ या मॉडेलमध्ये १२ व ५ मेगापिक्सल्सचे कॅमेरे तर ४०००एमएएचची बॅटरी देण्यात आली आहे. विशेष म्हणजे या स्मार्टफोनमध्ये फ्रंट फ्लॅशही आहे. त्यामुळं सेल्फी चाहत्यांसाठी हे फीचर खास ठरणार आहे.रेडमी नोट ५ प्रोच्या ४ जीबी रॅम असणाऱ्या फोनची किंमत १३हजार ९९९आहे. तर सहा जीबी रॅम असणारा फोन १६ हजार ९९९ रुपयांना खरेदी करता येईल. रेडमी नोट ५ प्रमाणे रेडमी नोट ५ प्रो या फोनलाही फुल स्क्रीन डिस्प्ले आहे. या मॉडेलमध्ये स्नॅपड्रॅगन ६३६ प्रोसेसर बसविण्यात आला असून फोनमध्ये १२व ५ मेगापिक्सेल ड्युअल कॅमेरा तर २० मेगापिक्सेल फ्रंट फेसिंग कॅमेरा देण्यात आलाय. तसेच हे दोन्ही फोन रोझ गोल्ड, गोल्ड, निळ्या व व काळ्या रंगामध्ये उपलब्ध आहेत.