Sunday, December 16 2018 4:06 am

भारतरत्न डॉ. बाबासाहेब आंबेडकर यांना अभिवादन करण्यासाठी चैत्यभूमीवर लाखो अनुयायी दाखल !

मुंबई -: ६२व्या महापरिनिर्वाण दिनानिमित्त भारतरत्न डॉ बाबासाहेब आंबेडकर यांना अभिवादन करण्यासाठी देशभरातील अनुयायी शिवाजी पार्कातील चैत्यभूमीवर दाखल झाले. राज्याच्या कानाकोपऱ्यातून अनुयायी 6 डिसेंबर रोजी महापरिनिर्वाण दिनाला चैत्यभूमीवर येऊन आंबेडकरांना अभिवादन करत असतात.
२५ ते ३० वर्षांपासून दादर रेल्वे स्थानकाचं नाव बदलून डॉ. बाबासाहेब आंबेडकर टर्मिनस असं करण्यात यावं, अशी मागणी केली जात आहे. याबाबत, रेल्वे प्रशासन आणि मुख्यमंत्र्यांना पत्र पाठवण्यात आलं होतं. मात्र, सरकार आमच्या मागणीकडे सातत्यानं दुर्लक्ष करत असल्याचं भीम आर्मीचे अध्यक्ष अशोक कांबळे यांनी सांगितलं.

मुख्यमंत्रीसह अन्य महत्वाचे मान्यवर चैत्यभूमीवर भारतरत्न डॉ. बाबासाहेब आंबेडकर यांना अभिवादन करण्यासाठी उपस्थित होते.
बेस्टतर्फे चैत्यभूमी, शिवाजी पार्क, दादर चौपाटी, डॉ. बाबासाहेब आंबेडकर यांचे ‘राजगृह’ हे निवासस्थान, आंबेडकर महाविद्यालय येथे 301 अतिरिक्त मार्गप्रकाश दिवे बसविण्यात आले आहेत. तसंच शिवाजी पार्क आणि मैदान परिसरात 18 फिरती शौचालयं, रांगेत उभे असणाऱ्यांसाठी चार फिरती शौचालयांची सुविधा देण्यात आली आहेत. तसंच पिण्याच्या पाण्याचे 16 टँकर्स उभे करण्यात आले आहेत.अनेक अनुयायांना मोबाइल फोन रिचार्ज करण्याची समस्या भेडसावत असते. त्यांच्यासाठी 300 पॉईंटची व्यवस्था करण्यात आली आहे.
अनुयायींना दादरला पोहोचता यावं यासाठी मध्य रेल्वेकडू रात्रीच्या वेळी विशेष लोकलची सुविधा देण्यात आली. याशिवाय अनुयायांसाठी जादा बसेसची सोय करण्यात आली आहे. तसंच बसच्या पासची सोयदेखील उपलब्ध करण्यात आली आहे. शहरी प्रवासासाठी ५० रु., उपनगरीय प्रवासासाठी ६० रु., संपूर्ण प्रवासासाठी ९० रुपयांचा मॅजिक पास आहे. हे विशेष तिकीट असल्याने त्यासाठी ओळखपपत्राची आवश्यकता लागणार नाही.
आंबेडकरी अनुयायींना कोणत्या हि प्रकारची गैरसोय होता कामा नये, म्हणून विविध संस्थांनी आणि महापालिकेने वास्त्यव्य आणि भोजनाची सोयि पुरविले आहेत. तसेच सुरक्षे यंत्राने आणि मुंबई पोलिस हि उत्तम रित्या आपली कामे बजावात आहे.