Tuesday, July 14 2020 11:31 am
ताजी बातमी

कमरेखालची भाषा करणं योग्य नाही;महादेव जानकर

नाशिक :- राष्ट्रवादी काँग्रेसचे अध्यक्ष शरद पवार हे फक्त महाराष्ट्राचेच नाही तर देशाचेही नेते आहेत. त्यांनी कमरेखालची भाषा करणं योग्य नाही, अशी टीका राष्ट्रीय समाज पक्षाचे नेते महादेव जानकर यांनी केलीय.  मी नाराज असतो तरी आता भाजपसोबत आहे. आमची परिस्थिती इकडे आड तिकडे विहीर अशी झाली आहे. पण आमचा मुख्यमंत्र्यांवर विश्वास आहे. आम्हाला कोणतंही आश्वासन देण्यात आलेलं नाही. फक्त विकासाच्या मुद्द्यावर आम्ही महायुतीत आहोत, असं जानकर म्हणाले. महायुतीत भाजपच सगळ्यात बलवान आहे. भाजपच सगळ्यांचा मोठा भाऊ, असं जानकर म्हणाले.

राज्यात अनेक ठिकाणी बंडखोरी जालीय. या बंडखोरांवर कारवाई केली जाईल, अशी भूमिका युतीच्या प्रमुख नेत्यांनी घेतली. तसंच रासप आणि भाजपतील भांडणं ही घरातली आहे. आमच्यातील भांडणं मिटली आहेत, असं जानकरांनी स्पष्ट केलंय.
काँग्रेस आणि राष्ट्रवादी काँग्रेसनं कोणालाही मोठं हेऊ दिलं नाही. सगळं स्वतःच्या ताब्यात ठेवलं, असा आरोप जानकरांनी केला. ‘महात्मा फुले’ यांना भारतरत्न पुरस्कार मिळाला पाहिजे, या मागणीवर आम्ही ठाम आहोत. तशी केंद्राला शिफारस केलीय, अशी माहिती जानकरांनी दिलीय